Patna, Risaw:
Kumba la sakhi, la ong ba ka jingkiew kynsan jong ka wah Budhi Gandak hadien ka jingtwa khyndew ha Gorkha distrik jong ka Nepal ka la pynmih ïa ka jingsngewkhia halor ka jingma jong ka jingshlei um ha Bihar.
Katkum ki khubor na Nepal, ka jingtwa khyndew ka la khanglad ïa ka jingtuid jong kawei ka wah, hadien kata ka um ka la tuid shapoh wah. La ïathuh ba bun tylli ki ïing bad ki jingkieng ki la julor ha katei ka jingjia. Ki dur kiba ishyrkhei ban peit bad ki jingpynjot ki la mih.
Ki bor synshar jong ka Nepal, ki la maham ïa ki briew kiba sah ha ki rud wah, ba kin long kiba husiar bad kin leit sha ki jaka kiba kham shngaiñ. Ka jingbishar bniah ïa ki daw jong ka jingshlei um bad ka jingjulor ka dang ïaid shakhmat.
Kane ka jingjia, ka la buh jingeh ruh ha Bihar, ha kaba u Myntri ka Water Resources u Vijay Kumar Choudhary, u la ong ba ka jylla kam mad ïa kano kano ka jingma ka ban jia noh. Ki nongleit nongwan ki ïaid lyngba ka jaka ba la shlei um hadien ba ka um jong ka wah Gandak ka la kiew namar ka jingjur slap, ha Bagaha, Bihar.
Katkum ka jingong u Myntri, ka jingtwa khyndew ka la pynjur ïa ka jingtuid jong ka wah, kaba la ktah ïa ka jingtuid jong ka.
Katba ka jingheh um jong ki katto katne ki wah ha Bihar, kynthup ïa ka Budhi Gandak, ka la long lypa palat ïa ka dak jingmaham, kumta la donkam ban buddien bha ïa ka jingheh jong ki.
Haba batai ïa ki daw, u la ong ba ka jingtwa khyndew ka la pynkiew ïa ka jingdon jong ka ktieh ha ka um, kaba la ktah ïa ka jingtuid jong ka wah. Ka jaka ba la jia ka jingtwa khyndew ka jngai kumba 200 kilomitar eiei na ka kynroh um ha Valmikinagar ha Bihar, u la bynrap.
U Myntri ka tnad um u Vijay Kumar Choudhary u la ong ba ka jingshlei um kaba la mih na ka jingtwa khyndew ha Nepal kam buh jingma bha ïa ka Bihar.
Hynrei ïa ka jingktah jong ka jingshlei um lah ban tip tang da kaba buddien ïa ka jingtuid jong ka wah bad ka jingheh jong ka um, ong u Myntri.
Ka sorkar pdeng ka la pynmih ïa ka jingai jingmut na ka bynta ka Bihar, katba ka tnad um jong ka jylla ka la bthah ïa ki heh sorkar ban pynthikna ïa ka jingshngaiñ jong ki jingker um bad ban pynneh ïa ka jingpeitngor baroh shisngi.
Katkum ka jingai jingmut ba kyrpang ba la pynmih da ka tnad ka sorkar pdeng jong ka Jal Shakti, ka la jia kynsan kynsan ka jingshlei um ha ki bynta ba shalor jong ka wah Narayani, lane Gandak ha Nepal.
Kumta, ka um ha ka jaka thew um ha Arughat ha ka Budhi Gandak ka la kiew sted bad ka la palat ïa ka dak jingma.
Halor kane ka jinglong jingman, la bthah ïa ki heh sorkar kiba don ha khappud India bad Nepal bad ha ki jaka ba shapoh jong ka Bihar ba kin long kiba husiar bha.
