Mumbai, Risaw:
Palat 85 percent na ki thaiñ jong ka Maharashtra la pynbna ba ki la shah ktah ha ka jingkyrduh um bad ka jingrang tyrkhong hadien ba ka sorkar jylla ka la pynrung sa 40 tylli ki thaiñ ha ka thup, kaba pynlong ïa ka jingdon jong ki sub-division kiba la shah ktah baroh sha ka 305 tylli na ki 358 tylli, la ong u Myntri Rangbah ka jylla u Devendra Fadnavis ha ka sngi Balang.
U Fadnavis u la ong ruh ba T.5,000 yn thep ha ki Bank Account jong ki nongrep shwa ka Diwali ban ai jingïarap pisa ba nyngkong hashwa ka tamasa.
U Myntri Rangbah ka jylla u la ong ba ïa ka rai ban thep pisa T.5 hajar ha ki Account jong ki nongrep la shim namar ba ki rukom synshar ba pura bad ki rukom bishar bniah jong ka pdeng ki shim por bad kim lah ban pynkut katkum ka aiñ shwa ka Diwali.
“Ha kaba sdang la pynbna ïa ka jingkyrduh um ha ki 265 tylli ki thaiñ. Hadien ba la bishar bniah ïa ki jingujor, la pynrung sa 40 tylli ki Taluka, kaba la pynlong ïa ka jingïarap baroh sha ka 305 tylli ki thaiñ. Baroh 12 tylli ki jingai jingïarap jingkyrduh um jong ka jylla ba la buh ryntih mynta la pynjlan sha kine ki thaiñ,” ong u Fadnavis ha ki nongthoh khubor hadien ka jingïalang jong ka kynhun Myntri.
Ha u bnai ba la dep, ka sorkar jylla ka la pynbna ïa ka jingkyrduh um bad jingrang tyrkhong ha ki 265 tylli ki thaiñ hadien ka jingduna slap bad ka la pynbna ïa ki lad jingïarap, kynthup ïa ka jingpynkylla ïa ka ram rep, ka jingailad na ka khajna jaka, bad ka jingai jingïarap ïa ka bai bording.
U Myntri Rangbah u la ong ba la pynmih ïa ka rai jong ka sorkar kaba la pynrung sa 40 tylli ki thaiñ ha ka thup jong ki jingshah ktah ha ka jingkyrduh um.
Ïa ka jingkyrduh la ju pynbna haduh bakut u bnai Naiwieng bad la pynjlan ïa ka jingïarap haduh u bnai Nohprah. Hynrei haba peit ïa ka jingeh jong ka jinglong jingman, la pynmih ïa ka jingpynbna jong ka jingkyrduh um ha u bnai Risaw, u la pynpaw.
Ka thup ba la pynshisha jong kiwei pat ki 3.5 lak ngut ki nongrep la pyntreikam ban ïoh ïa ki jingsiew ba la buh por ban pynlait ram ha kajuh ka por, ong u Myntri Rangbah.
Ki jinglong kiba la rim na ka rai jong u snem 1992 kaba khanglad ïa ka jingpyllait bai pule na ka bynta ki khun jong ki nongrep la weng noh, kaba pynlong ïa ka jingpyllait bai pule kaba long kyllum ha kylleng ki jaka ba shah ktah, u la kdew.
U Fadnavis u la ong ba ïa ki Bank jong ka District Central Co-operative (DCC) bad ki Credit Society la pynmih ïa ka jingmaham kaba tyngeh pyrshah ïa ka jingshim ram da kaba pynbor, ka jingpynshitom beiñ, lane ka jingpynbor palat ïa ki nongrep. Ki jingpyrshang ki dang ïaid ban leh kumjuh bad ki Bank shimet bad ki jaka ai pisa.
U la ong ba ka um hapoh khyndew ha ki tyllong peit bniah ha kylleng ka Marathwada ka la hiar shapoh 3 meter, kaba dawa ban buh kloi ïa ki mashin kit um ha u bnai Risaw haduh Naiwieng. Baroh ki tanker ba la pyntreikam yn buddien bha lyngba ka GPS.
Haduh 16,000 tylli ki jingtan um beaiñ la pynduh noh ban pynneh pynsah ïa ka umdih, da ka polisi ban shah ïa ka jingtih um khlem jingbit, la pyntip u Myntri Rangbah.
