Amlarem, Naiwieng 06
Ka Amkoi SC ka la kop da 9-0 kol ïa ka Hawai Bhoi SC ha ka jingïalehkai 1st Division Football League bala pynïaid da ka Amlarem Sub-divisional Sports Association (ASSA). Ïa kane ka jingïalehkai la pynlong ha madan Mini Stadium Ladjaplem, Amlarem ha ka 06 tarik Naiwieng.
Ha ka jingïalehkai u Lowis Pohtam ula ïoh hat trick ha ka minit 06, 28, 31. Kiwei pat ki kol la thep da u Reyouness Lamin (18′), Malli Pohtam (29′), Pherback Pohlong (55′), Maldini Pohti (59′), Waiphang Pohti (66′) bad Sakhious Lamin (74′).
Ha ka jingïalehkai kaba bud, ka Dawki Amature Club ka la pynliem ïa ka Moosakhia SC da 4-2 kol.
Ïa ki kol ka Dawki Amature Club la thep da u Wanli Langstang (9,47), Sakhil Lamin (24), bad ka Own goal ba la thep da u Shanbor Kyndiap (27).
Haba phai sha ka jingïalehkai 2nd Division, ka jingïakhun kala kut da khlem da lah ban thep kol hapdeng ka Nongshiliang SC Pdengshakap bad Traki Mawngap FC, kumjuh ka Nongtalang Mission YC bad Sankhat SC.
