Jowai, Naiwieng 06
U Myntri Rangbah ka Jylla u Conrad K. Sangma ula plie ïa ka jaka ïalehkai siat suloi kaba 10 mitar ne ka Shooting Range Complex kaba ha Riaturiem, Khliehtyrshi bad ïa kane la tei lyngba ka State Sports Council Meghalaya ha ka jinglut kaba T.1.25 klur.
Ha kane ka jingwan ka jong u, u Conrad ula pyrshang ruh ban ïalehkai ïasiat shikti arkti bad ula ïakynduh ruh bad ki nongïalehkai suloi ha kane ka jaka.
U Myntri Rangbah ka Jylla ula jurip ruh ïa ka Ïawmusiang Shopping Complex kaba la jan dep shna ha Jowai, ha kaba ula ïakynduh bad ki nongdie jingdie madan.
Ha ka jingïakren bad uwei u briew uba don jingduna haka bor ïohi, u Myntri rangbah ula pynthikna ïa u ba un phah ïa ka guitar.
Hadien kane u Conrad, ula leit ban jurip sa ïa ka Thadlaskein Hospitality Complex kaba don ha Thadlaskeiñ.
Ha kane ka sngi la synran lang ïa u Myntri Rangbah da u Symbud Myntri Rangbah ka Jylla Bah Sniawbhalang Dhar, u Myntri ka tnad ka koit ka khiah Bah Wailadmiki Shylla, u Deputy Commissioner u Abhinav Kumar Singh, IAS, bad kiwei kiwei ki heh sorkar.
