Amlarem, Naiwieng 08
Ka Evergreen YC Pdengshakap, Amsalang bad ka Mupyut Dongneiñ ki la khur jingjop ha ka lympung ïalehkai 3rd Division Football League ba la pynïaid da ka Amlarem Subdivisional Sports Association (ASSA).
Ha ka jingïalehkai kaba la long ha Mini Stadium Ladjaplem, Amlarem ha ka sngi Saitjaiñ, ka Evergreen YC Pdengshakap ka la pynliem noh ïa ka SS Syndai Mission da 1-0 kol bad ïa kane ka thep da u Donbok -lang ha ka minit kaba 37.
Ha ka jingïalehkai kaba bud, ka Amsalang ka la jop da 1-0 kol ïa ka Shmiapang YC bad ïa kane la thep da u Maïa Lyngdoh ha ka minit kaba 34.
Ha kawei pat ka jingïalehkai ka Mupyut Dongneiñ ka la jop da 2-0 kol ïa ka Ammutong Pyrshang.
Ha kane ka jingïakhun , ka Mupyut Dongneiñ ka la pynkhih jar nyngkong lyngba ka jingïarap pynthep da u rangïalehkai ka liang pyrshah u Riwan Lamurong ha ka minit kaba 9 bad kawei pat la thep da u Lowis Pde (59).
