Shillong, Naiwieng 08
Ka Dr. H Gordons Robert Hospital, Jaïaw ka la pynliem ïa ka Shillong Press Club (SPC) da 6-1 kol ha ka jingïalehkai phutbol paralok kaba long shi bynta jong ka jingrakhe ïa ka National Cancer Awareness Day ha Ratson Futsal Ground, Mawïongrim ha ka sngi Saitjaiñ.
Haba ai jingkren ha kane ka sngi u Dr. Kennth R. L Nongpiur, Medical Superintendent ka Dr. H Gordon Roberts Hospital u pynpaw ïa ka jingsngewkhia ba ka jingpang bam pong ka jur bha ha kine ki thaiñ Meghalaya, kum ka bam pong ha ki rmiang shyntur, shyntur, dohbniat bad ki bynta jong ki ryndang.
Shuh shuh u ong ba u la ïohi ba bun na ki paidbah kane ka thaiñ ki ïoh ïa ka jingpang bam pong na u pdot banguid, na ki bynta jong ka kpoh bad kiwei kiwei.
