Mawkyrwat, Naiwieng 08
U MLA ka Ranikor, u Bah Pius Marweiñ ha ka sngi Saitjaiñ u la plie paidbah ïa ka madan ïalehkai phutbol ha ka shnong Rang-thong, South West Khasi Hills District ha ka jinglut kaba T.23 lak lyngba ka skhim ka tnad ïalehkai ka sorkar Jylla.
Kum um ka dak jong ka jingplie paidbah ïa ka madan Mawphuïor , ka Rangthong Cultural Club & Sports Association ka la pynlong ïa ka jingïalehkai paralok ha kaba ha ka liang ki shynrang, ka jingïakhun ka long hapdeng ka Veteran RCC&-SA Team pyrshah ïa ka RCC&SA Players.
Katba ha ka liang ki kynthei, ka RCC&SA Women’s Team pyrshah ïa ka Pynnoh Riwar Sports Academy.
Haba kren ha katei ka sngi, u Bah Marweiñ u la ïaroh ïa ka shnong Rangthong kaba long ka nuksa ïa kiwei pat ki shnong ha kaba ki paidbah nongshong shnong ki ïatylli na ka bynta ka roi ka par.
U Bah Pius u la ong ruh ba kane ka madan phutbol ka dangdonkam shibun kiei kiei ban leh ban pynbha shuh shuh khnang ba ki samla kin ïoh ïa ka rynsan kaba biang tam ban pyni ïa ki sap ki phong kiba ki don.
U la ong ba un sa buddien na ka tnad ba dei peit ha kaba ïadei bad ka jingdonkam jong ka madan phutbol kynthup ïa ka gallery bad ka jingker bad kiwei kiwei ki jingdonkam.
Ha katei ka sngi la ïadonlang u Bah Kitbor-lanh Nongrem , Myntri Shnong Rangthong ,u Bah Fullmoon Jirod, Bah Michael Syiemlieh, Chair -man ka Cricket Commit-tee RCC&SA bad kiwei kiwei.
