Jowai, Naiwieng 15
Ka lympung ïalehkai Tynre Youth Elite 2026 ba la pynlong da ka Tynre Sports & Entertainment Society ka la poi sha kaba kut ha ka sngi Saitjaiñ ha Green Galaxy Futsal Park, Mihmyntdu ha kaba la ïadon lang u Myntri ka tnat ïalehkai ka Sorkar Jylla u Bah Wailadmiki Shylla.
Ha ka jingïalehkai final jong ki khynnah shynrang Under-17, ka Booza FC ka la pynliem noh ïa ka Red Bull FC da 3-1 kol.
Hashwa ban sdang ïa ka jingïalehkai phainal, la pynlong ïa ka jingïalehkai jong ki kynthei hapdeng ka Booza FC pyrshah ïa ka Niaw Wasa FC ha kaba ka Booza ka la jop da 6-0 kol.
Na ka liang u Bah Wailadmiki ula ai khublei ïa ki nongpynïaid kiba la shim ïa ka sienjam ban kyntiew ïa ki sap ki phong bad ban kyntiew ïa ki kam ïalehkai ha ka district.
Ha katei ka sngi la la sam ïaka khusnam Best Goalkeeper ba la ïoh da u Damehipaya Suchen, ka nam Top Scorer ka leit sha u Forme Phawa, Player of the Match la ïoh da u Jadson Dohling bad Player of the Tournament sha u Ebenezer Nongrang.
Nalor u Bah Shylla, la ïadon lang ruh u Bah Nangsan Shylla, President ka TSES, General Secre-tary Bah R.T Khonglah, u Waheh Shnong Mihmyn-tdu Bah Abul Phawa, Waheh Shnong Mynthong Bah L. Pohktai bad kiwei.

