Rah nam lahduh ka India naba pynliem ïa ka Pakistan ha ka U-19 Asia Cup

Shillong, Naiwieng 15 Ka kynhun ïalehkai kriket U-19 ka ri India ka la lah ban pynliem noh ïa ka Pakistan da shi wiket na ka bynta ban khur ïa ka nam lahduh ha ka U-19...

Shillong, Naiwieng 15

Ka kynhun ïalehkai kriket U-19 ka ri India ka la lah ban pynliem noh ïa ka Pakistan da shi wiket na ka bynta ban khur ïa ka nam lahduh ha ka U-19 Asia Cup 2026, ha ka sngi Saitjaiñ ha Muscat, Oman.

Haba wan beh ïa ka thong kaba 338 ba la buh da ka liang pyrshah, ka India ka la sdang ban ïakhun tyngeh na ka 252/8, hashwa ba ki nongtied kiba kynthup ïa u Manal Chauhan (47 off 32) bad u Mohit Ulva (49* off 26) kiba la lah ban pynurlong ban kynjoh sha ka thong da kaba kamai 339/9 ha ki 49.6 over. U Lakshya Raichandani (80) bad u Aaryavir Sehwag (58) ki la lah ban ïalehkai bha ha kaba sdang.

Kham hashwa ka Pakistan ka la buh ïa ka thong da kaba kamai 337/9 ha ki 50 over hadien ba ka la shimti ban tied nyngkong. U Usman Khan uba la shimti ban tied mar ïasdang, u la khyrwit 107 run, ha kaba la ïasoh lang bad u Abdul Qadir (80 off 54) lem bad u kapten u Farhan Yousaf (63 off 60). Hynrei ka India ka la lah ban ïalehkai bha ha kaba ka la lah ba nkhur 6 wiket hashwa ban kut ki ha ki 6 over. U Kavya Patel u la khur 4 wiket, katba u C Venkata u la khur 3 wiket.

Halor kane ka jingjop, na ka liang u Myntri Rangbahduh ka ri u Narendra Modi lem bad u Myntri ki kam pohïing u Amit Shah ki la ai khublei ïa kane ka kynhun kaba la lah ban pynurlong na ka bynta ban kynjoh sha ka thong.