Iap 11 & mynsaw 16 na ka jingpluh ki ïingmala ha Thailand

Phuket, Naiwieng: Katkum ki khubor, la ong ba ka ding kaba khlaiñ ka la bam duh ïa kawei ka dukan khaïi ha ka ïew jngohkai pyrthei kaba don sha ka phang Shathie jong ka ri...

Phuket, Naiwieng:

Katkum ki khubor, la ong ba ka ding kaba khlaiñ ka la bam duh ïa kawei ka dukan khaïi ha ka ïew jngohkai pyrthei kaba don sha ka phang Shathie jong ka ri Thailand, hapoh ka nongbah Phuket ha ka step Sngi Nyngkong, ha kaba 11 ngut ki briew ki la duh ei noh ïa ka jingim bad 16 ngut ki la mynsaw ha katei ka jingjia.

Ka jingpluh ka la sdang na kawei ka iing kaba don ka jaka ai wai kali bad hadien ka la pur sha ki katto katne ki iing kiba don hajan.

Katei ka ding, ka la bthei ha ka por kumba 3:17 baje mynstep (2017 GMT), bad ki nongpynlip ding, ki la shim por kumba ar kynta ban lah ban tehlakam ïa ka, ong ki bor synshar jong ka ri Thailand.

Na kitei kiba mynsaw, 15ngut ki dei ki nong Thailand bad uwei u dei u nong Myanmar. Ym shym la don ki nongjngohkai pyrthei napdeng kiba la ïap ne mynsaw, la iathuh ki pulit.

Ka daw jong ka jingpluh ka dang don ha ka jingtohkit.

Kane ka jingtei ka don ha ka jaka sor, hajan ka rud duriaw ba pawnam jong ka Patong ha ka rud duriaw ba shathie jong ka Phuket.

Kane ka jingpluh ding ka la jia saw bnai hadien ka jingpluh jong kawei ka bar ha Bangkok kaba la pynïap ïa 27 ngut ki briew.