‘U Netanyahu u long ka jingma ba khraw ïa ka Israel’: Eisenkot

Tel Aviv, Naiwieng: U Myntri Rangbahduh ban sa long jong ka Israel, u Gadi Eisenkot ha ka Sngi U Blei u la ong ba u myntri rangbah duh ba peit ïa ka sorkar u Benjamin...

Tel Aviv, Naiwieng:

U Myntri Rangbahduh ban sa long jong ka Israel, u Gadi Eisenkot ha ka Sngi U Blei u la ong ba u myntri rangbah duh ba peit ïa ka sorkar u Benjamin Netanyahu “um lah shuh ban neh ha ka khlieh jong ka sorkar sa shi minit”, hadien ki khubor kiba kdew ïa ka jingkynnoh ba u nongïarap jong u Netanyahu u la pynthut ha ka elekshon.

Khyndiat kynta hadien ba ki nongmihkhmat jong ki arngut ki la ïakynduh ban ïakren halor ka jinglah ban thaw ïa ka sorkar jingïatylli jong ka ri, u Eisenkot u la pynlong ïa ka jinghiar thma kaba jur ïa u nongïaleh pyrshah jong u.

“Ka jingleh jong u Myntri Rangbahduh ba la mih noh na ka kam, u Benjamin Netanyahu bad ki kynhun jong u, ka long ka jingma kaba thikna, kaba beit bad kaba mardor ïa ka synshar paidbah jong ka Israel”, la ong u Eisenkot, uba dei u heh shipai barim.

Ka Channel 12 jong ka Israel kham mynshwa, ka la ïathuh ba ha ka sngi shuwa jong ka elekshon, u heh shipai jong u Netanyahu, u Ido Norden, u la phone ha ka jingujor sha ka ophis jong u police commissioner, halor ki dkhot jong ka seng Arab-Israeli Raam.

Ha kane ka jingïakren, la ïathuh ba U Norden, ula bthah ïa ki ophisar pulit, sha uwei u nongsyntiat, uba la kam ba u dei u nongtrei barim jong ka ophis jong U Netanyahu, kumba la iathuh da ka Channel 12.

Da kaba pynshong nongrim na kane ka tyllong khubor, la ioh kem ïa lai ngut ki dkhot jong ka Raam. Hadien kane, u Netanyahu, u la pynlong ïa ka jinghiar thma pyrshah ïa ki seng Arab-Israel, da kaba kynnoh ïa ki, ba ki leh thok ha ka elekshon, hadien ba ki la ïoh ïa ka rekod jong ki seat.

Hadien la pyllait noh ïa kitei ki lai ngut haba ki pulit ki la lap ba ki jingtip ba la ai da kane ka tyllong khubor ki long ki bym don nongrim.

“Nga khot ban plie mardor ïa ka jingtohkit halor kane ka kam”, la ong u Eisenkot ha ka Sngi U Blei, katkum ka kyrwoh na ka seng jong u.

Ka ophis jong u Netanyahu ka la jubab da kaba ong ba ka kaiphod jong ka Channel 12 ka long kaba bakla, da kaba pynskhem ba u Norden u la “pyndep ïa la ka jong ka kamram kum u nongshong shnong”.

Ka seng Likud jong u Netanyahu, ka la kynnoh ba u Eisenkot u dei u “jingpynshit kaba shyrkhei”.