Guwahati, Lber:
Ki pulit ka Assam ki la ioh ban kurup ia ki masi kiba la thmu ban shalan tuh na Jorabat bad da ka jingshim khia jong ki pulit la leit ban pynap shrip bad la ioh ruh ban kem ia arngut ki briew kiba donkti ha kaba iadei bad kane kam ba la tip kyrteng kum u Abdul Kalam bad Abdul Hamid.
Ki tyllong khubor ki iathuh ba ki pulit ki la leit ban ap ha ki bynta jong ka NH-37 bad ioh bat ia ka kali kaba la kit ia ki masi kaba la ngiah da u Adbul Kalam bad Abdul Hamid bad hadien jong kane la leit ban rah ia kitei arngut sha thanad na ka bynta ban bishar.
Dang ha ka taiew ba la leit ki pulit ka Assam ki la ioh ruh ban bat ia 3 ngut ki briew kiba thmu ban khaii ia ki reng jong ki kyndad bad ia kine la kem na kawei ka shnong kaba la tip da Rupohihat’s Ambagan.
Na ka por sha ka por ki pulit ka Assam ki la shim khia ban teh lakam ban kem ia kito kiba thmu ban shalan tuh ia ki masi na kane ka jylla bad kumjuh ruh ban kem ia kito kiba thmu die tuh ia ki reng jong ki kyndad.
