Kolkata, Iaiong:
Ki bor sorkar jong ka jylla West Bengal ha ki khyndiat sngi kiba la leit noh ki la pyntip ba 2 ngut ki briew kiba dei trai na ka jylla Mizoram ki la shah kem ha ki bor pulit ka jylla West Bengal ha ryngkat ki ksiar tylli ba shongdor palat T.8 klur.
Ïa kitei ki 2 ngut ki nongshong shnong jong ka jylla Mizoram la ïoh ban kem na kawei ka shnong kaba don ha ka thaiñ Jalpaiguri district, West Bengal.
Na ka kali ba shong kitei ki 2 ngut, la ïathuh ba ki bor pahara ki la ïoh ban kurup ïa haduh 13 tylli ki ksiar tylli. Ïa kitei ki ksiar la ïoh ban kurup da ki bor pahara ka Directorate of Revenue Intelligence (DRI).
Ki bor pahara ka DRI ki la ïoh ban pynsangeh ïa ka kali ba shong kitei ki 2 ngut ha ka khyrdop lum khajna (toll plaza) kaba don ha ka shnong Panikauri, Fatakpur, Jalpaiguri district jong ka jylla West Bengal.
Kat kum ki jingïoh lum jingtip la ïathuh ba katei ka kali kaba la ïoh ban pynsangeh ha katei ka sngi ka dei ka kali kaba dang thmu ban leit sha ka nongbah Kolkata na Assam.
Ki ksiar tylli ba la ïoh ban kurup ha katei ka sngi ki shongdor haduh kumba 8.61 klur.
