BORDUMSA, ïaïong:
Kawei na ki Temple Buddhist kaba don ha ka shnong Innao Sengmai ka la kem ding kynsan ha ka sngi thohdieng ha kaba kane ka la jia ha ka por ba ki nongbud jong ka niam Buddhist ki dang pynlong ka jinglehkmen kum shi bynta jong ka Sangken festival kaba la rakhe ha kylleng ki bynta jong ka Arunachal.
Katkum ka jingiathuh jong ki nongshong shn ong kane ka ding ka la bam duh ia baroh ki jingdon jingem kiba don ha katei ka Temple bad ka jingpluh ka long ruh kaba la shyrkhei bha.
La ong ba wat lada ki thylliej ding ki la bamduh ia baroh ki bynta jong kane ka temple pynban dei tang ka durmot jong u Lord Buddha kaba ym shim la shah ktah.
Shuh shuh la bynrap ruh ba wat ia ki kot ba kyntang ym shim la iohlad shuh ban shim namar ba kane ka ding kaba la klang ka da ima bad shyrkhei shisha.
Ka Sengmai ka dei kawei na ki shnongrit kaba la shong la sah da ki jaitbynriew kiba la tip da Tai-Khamti bad kane ka shnong ka hap hapoh ka Bordumsa Sub Division jong ka Changlang district.
Ka daw halor ka jingbam duh ka ding ia ka Temple ba don ha kane ka shnong la suba ba ka lah ban dei namar ka jingthut ha ka bording ha ki bynta jong ka kamra shet.
U Nyana Bodhi uwei na ki Monk uba peit ia kane ka Temple ha ka jingiakren bad ki lad pathai khubor ula ong ba hadien ba ula iohsngew ia ka jingriew kaba sawa bha ha ki bynta jong ka kamra shetja ula mih ban leit peit bad shem pynban ba ka ding ka la ieng.
Hadien jong katei ka jingjia ba shyrkhei u MLA Somlung Mossang mardor ula pynsangeh ia ka jingleit jong u ban shim khia ban leit jurip noh shwa ia ka jingshah pynjulor katei ka temple bad ula pynbna ruh ia ka lad jingiarap kaba long kumba 50 lak.
Ki la don ruh kiwei kiwei kiba la noh synñ iang lem sha kaneka temple hadien katei ka jingja.
