Aizawl, Jymmang:
Sa ha kawei ka jingleit khynra droks kaba la pynlong ha ka jylla Mizoram, ki bor shipai na ka Serchhip Battalion jong ka 23 Sector Assam Rifles ha ka Sngi U Blei ba la dep ki la ïoh ban kurup ïa u droks heroin ba shongdor haduh T.1.5 klur na ka thaiñ East Lungdar, (East Lungdar – Mualcheng Road), Serchhip.
Ha katei ka jingleit khynra droks, ki bor shipai ki la ïoh ruh ban kem ïa ki 2 ngut ki runar kiba donkti ha katei ka kam beaiñ. Hadien ka jingshah kem, ïa ki runar bad ïa u droks ba la ïoh kurup la leit ban aiti noh sha ki bor sorkar ka excise and narcotics na ka bynta ban pynlong ïa ki jingtohkit kiba dang sah.
