Guwahati, Jymmang:
Ki bor pulit jong ka jylla Assam na ka thaiñ Udalguri district ha ka 2 tarik mynta u bnai ki la pyntip ba ki la ïoh ban kurup ïa shibun bah ki tiar siat na kawei ka shnong kaba don ha ka thaiñ Udalguri.
Kat kum ki jingïoh lum jingtip, la ïathuh ba ïa kitei ki tiar siat la ïoh ban kurup na kawei ka khlaw kaba don ha ka shnong Sikaridanga, Udalguri district jong ka jylla Assam. Ïa ka jingïoh kurup ïa kitei ki tiar siat la pynbna bad pyntikna ruh da u director general of police (DGP) jong ka jylla Assam, u GP Singh.
Kat kum ka jingpyllait kyrwoh jong u DGP, u la pyntip ba ïa kitei ki tiar siat la ïoh ban kurup da ki bor pulit ka thaiñ Udalguri. U la pyntip shuh shuh ba na ka liang ka tnat pulit jong ka jylla kan dang ïai bteng ban pynlong ïa ki jingkhynra khnang ban pyllait ïa ka jylla Assam na ki kam beaiñ ba bun jait.
Halor katei ka jingjia ioh kurup tiar siat, na ka liang ka tnat pulit kam shym la pyntip satia la ki don ne em ki runar kiba la shah kem.
