Dibrugarh, Jymmang:
Ki bor pulit ka nongbah Dibrugarh ha ka 4 tarik mynta u bnai ki la leit ban kem noh ïa ka nongtrei ‘accountant’ jong ka Sarva Shiksha Abhiyan (SSA) na ka daw jong ka jingdonkti jong ka ban sei tuh ïa ka pisa na ka ‘fund’ jong ka SSA. Ka nongtrei ‘accountant’ kaba la shah kem ha ki bor pulit ka dei kaba la tip kyrteng kum ka Dhanti Gogoi Saikia kaba trei ha ka shlem treikam jong ka SSA kaba don ha ka nongbah Dibrugarh.
Kat kum ka jingïathuh jong ki bor pulit, ki la pyntip ba ka Dhanti Gogoi ka la donkti ban sei tuh ïa haduh T.30 lak ka pisa na ka ‘beneficiary fund’. La ïoh ban kem ïa ka Gogoi hadien ba ki bor pulit ki pynlong ïa ka jingtohkit hadien ka jingïoh ïoh ïa ka jingujor FIR na u Inspector of Schools.
Ka Gogoi hadien ka jingshah kem ka la shah pynngat ruh hapoh ka Section 406/409 jong ka IPC.
