New Delhi, Jylliew:
Ka India ha ka Lah Sngi U Blei ka la khot tohkit ïa u heh sorkar jong ka Pakistan bad pynpaw ka jingpyrshah jur halor ka jingjia jong ka jingthombor kaba dang jia shen pyrshah ïa ka kynhun jong ki Sikh ha kane ka ri ba marjan.
Kane ka jingkhot tohkit ka la long ar sngi hadien ba ka Pakistan ka la khot tohkit ïa u heh sorkar jong ka ri India ban pyrshah jur halor ka jingpynkheiñ ïa ka aiñ sangeh ïasiat ha ki bynta jong u Line of Control, ha kaba kane ka la wanrah ïa ka jingïap jong arngut ki riewpaidbah bad pynmynsaw ïa kiwei pat.
Saw tylli kiba kum kine ki jingjia ki la jia hapdeng u bnai Ïaïong bad u Jylliew jong une u snem bad ngi ha India ngi la shimkhia haba ngi ïoh jingtip halor kine ki jingjia, la ïathuh ka tyllong khubor.
Ka India ka la dawa ba ki heh sorkar jong ka Pakistan ki dei ban tohkit bniah halor kum kine ki jingjia jong ka jingthombor ïa ka kynhun jong ki riewngeit Sikh da ka jingsngur mynsiem bad ban sam lem ïa ki kaiphot hadien ba la dep ban pynlong ïa ka jingtohkit.
Ka la buh ruh ka jingkyrpad ba ki heh sorkar ka Pakistan ka la dei ban pyntikna ha ka ban ai ki lad jingïada bad ka jingshngaiñ sha ki ritpaid, kiba im da ka jingsyier mynsiem na ki kam thombor tang namar ka rukom ngeit niam.
