Guwahati, Naiwieng:
U MLA jong ka seng Congress ha Assam u Aftabuddin Mollah ha ka sngi Balang u la shahkem halor ka jingshah kynnoh ba u la kren ïa ki kyntien ba pyrshah bad ktah matïong ïa kiwei pat ha ka jingïalang paidbah, la ïathuh u heh pulit.
Une u MLA jong ka liang pyrshah u la shah rah ha ka miet jong ka sngi Ba-ar na ka jaka sah jong uwei pat u MLA jong ka seng Congress ha ka jaka sah jong ki MLA ha Guwahati na ka bynta ka jingtohkit, la ïathuh u Police Commissioner jong ka Diganta Barah.
U Mollah u la kren ïa ki kyntien kiba pyrshah ha ka jingïalang paidbah ha ka taïew ba la lah ha kaba u la shah pynshisha ba u la ong ba ka la don ka kam beaiñ ba l aleh da kawei ak kynhun jait bynriew.
Ka Video jong kane ka jingai jingkren jong u ka la saphriang ha ki lad phah khubor bad kane ka la pynbitar ïa kiba bun. Kumba la ïathuh ka tyllong khubor la ong ba kane ka jingkren jong u ka long ba u la pyrshang ban wanrah ka jingïabuh shun hapdeng ar tylli ki kynhun bad hadien kane kan sa mih ka jingïakynad.
