Aizawl, Naiwieng:
Kum shi bynta ban pynpaw ïa ka jingsngewskhem ha kaba ïadei bad ka jingjop jong ka seng ha ka jingïakhun ïa ka ilekshon Assembly ha Mizoram, u Myntri Rangbah jong ka jylla bad u President jong ka seng Mizo National Front (MNF) u Zoramthanga u la ong ba ka seng MNF kan sa ïohlad ban synshar bad shakri ïa ka jylla sa na ka bynta ki san snem ban wan ha ka rukom kaba thymmai.
Ha ka jingai jingkren jong u ha ka jingïalang bad ki nongbud jong ka sneg ha ka shlem treikam jong ka seng MNF ka “Mizo Hnam Run” kaba don ha Aizawl, u Zoramthanga u la ong ba ka seng MNF kan sa neh ha ka bor synshar da ka jingkyrkhu U Blei bad ki paidbah.
“Ngin sa ïalam bad ngin shakri ïa ka jylla kham bha shuh shuh bad halor ki rukom kiba wanrah ïa ki jingpynthymmai,” u la ong.
