Guwahati, Naiwieng:
Ki la don kumba san ngut ki briew kiba la ïap na ka jingpluh ding kaba la jia ha ka thaiñ Naharbari ha Dimapur jong ka jylla Nagaland ha ka miet sngi U Blei. Katkum ka kaiphot ba la ïohlum, la ong ba kine ki briew kiba la ïap ki dang ïohthiah ha ka por ba la jia ka jingpluh ding. Ki ïing ba kine ki briew ki sah ki la kylla dpei namar ka jingshah bam ha ka ding.
Kumba la ïathuh ka tyllong khubor, la ong ba kine ki briew kim dei ki Naga. Nalor kane, la ïathuh ba ki la don kumba 50 tylli ki ïing skum kiba la ing ha kane ka jingjia. Ïa ka daw halor ka jingpur jong ka ding haduh mynta ym pat lah ban tip bad ka jingtohkit halor kane ka dang ïaid shakhmat. Kumba la suba la ong ba ka jingpur jong ka ding ka lah ban dei na ka daw ka jingpynbthei ïa ki bom pataka ne na ki sharik rit ba ju thang ha ka por ba rakhe ïa ka Diwali.
Ha kane ka jingjingjia ki la don kumba 5 tylli ki kali pyllip ding kiba la leit sha katei ka shnong. Ka jingtohkit halor ka jingjia ban lap ïa ka daw tynrai halor ka jingpur jong ka ding ka dang bteng.
