Guwahati, Naiwieng:
U Myntri ka sorkar kmie uba dei khmih halor ka Ports, Shipping & Waterways and Ayush, u Sarbananda Sonowal u la pynlong ïa ka jingïakren bad ki riewkynthei kiba dei ki nongdie madan jong ka Assam ha ka jaka sah jong u ha ka sngi Balang.
Ki la don palat 75 ngut ki riewkynthei kiba dei ki nongdie madan kaba kynthup naduh kiba die sha haduh kiba die ïa ki Ladoo bad Pitha haduh kiba die ïa ki Pan bad kiwei pat kiba la don bynta ban ïakren bad ïaphylliew jingmut bad u Myntri bad ki la pynpaw ïa ki jingshem bad jingmyntoi ba ki la ïoh na ka jingkyrshan pisa kaba la wan na ka skhim PM SVANidhi.
Ha ka jingïakren bad ki nongdie jingdei, u Myntri u la ong, ba kane ka la pynsngewkmen ïa u ban ïoh ban ïakren bad ïaphylliew jingmut bad kine baroh, ha kaba la lah ban wanrah ïa ka jingkyrshan pisa kaba hapoh ka jingtreikam jong ka skhim PM SVANidhi na ka bynta ban ïarap ban kyntiew ïa ka kam jong ki.
