Guwahati, Naiwieng:
Ki pulit jong ka Guwahati, Assam ki la ïoh ban kurup ïa u drok uba la kot sha ka T. 9.5 klur. Ka jingïoh kurup ïa une u drok da ki pulit ka la jia ha ka thaiñ Amjngaon jong ka nongbah Guwahati ha ka sngi Palei. Ka kynhun Special Task Force (STF) jong ki pulit ka Assam ki la bat ïa kawei ka kali kaba la wan na Churachandpur distrik jong ka Manipur bad ha kane ka por ki la ïoh ban kurup ïa u drok. Baroh u drok ba la ïoh ban kurup da ki pulit u la don ka jingkhia kaba 1 kg 350 gram.
Ïa une u drok la song ha ki 98 tylli ki synduk sabon ha kaba la buhrieh ha kane ka kali. Arngut ki briew ki la shahkem ha ryngkat u drok. Kine kiba la shahkem ki dei kiba la tip kyrteng kum u Tomizur Rahman bad u Abdul Rahim, kine baroh angut ki dei na Manipur.
Ha ka step jong kane ka sngi, ka la don kum kane kajuh ka jingïoh kurup drok da ki pulit kaba la jia ha Karbi Anglong distrik jong ka Assam, ha kaba u drok u la don kumba 1.652 kg bad uba la kot sha ka T. 12 klur.
