Guwahati, Naiwieng:
Ki la don palat 8700 ngut ki lehnoh barim jong kiba bun ki kynhun lehnoh ha Assam kiba la leit phai sha ka jingim kaba bha ha ki ar snem ba la leit. Ïa kane la pyntip da u Myntri Rangbah jong ka Assam u Himanta Biswa Sarma ha ka sngi Palei.
“Ki la don bun ngut ki lehnoh kiba la iehnoh ïa ki kam pyntriem jong ki bad ki la rai ban ïarap ïa ngi na ka bynta ban tei ïa ka jylla Assam kaba thymmai,” la ong u Sarma.
U la bynrap shuh shuh da kaba ong: “Hapoh ka jingpyntreikam kaba ïadei na ka bynta kito kiba la leit pyndem bad phai sha ka jingim kaba bha bad ka Swavalamban Scheme kine ki lehnoh barim ki la ïoh ïa ki jingshah hikai pyntbit kiba lah ban ïalam ïa ki sha ka jingim kaba ki lah ban kyrshan ïalade bad ai jingmyntoi ha kiba bun ki liang.”
Ki la don baroh kumba 8756 ki lehnoh barim kiba la leit phai sha ka jingim kaba thymmai ha kine ki ar snem ba la leit, ha Assam. Napdeng jong ki, ki la don 4203 ngut kiba dei na ka kynhun National Democratic Front of Boroland (NDFB), 1926 ngut na ki kynhun pyntriem jong ki Karbi katba 1182 ngut ki dei na ki kynhun pyntriem jong ki Adivasi.
