Guwahati, Naiwieng:
Naba kiba bun ki jingrakhe lehkmen ki la wan bad kiba dang ïai bteng nangne shakhmat bad ka jingkhmih lynti ïa ka jingnang bun jong ki briew kiba leit jingleit da ki rel, ka Indian Railway ka la pynlong da ka jingpynsngewthuh paidbah khnang ban lah ban khanglad ïa ki jingjia kiba lah ban jia ha ki rel.
Ka North East Frontier Railway (NFR) ka la buh ka jingkyrpad ïa ki nongleit jingleit ba kim dei ban rah ïa ki tiar kum ki bom pataka, ka petrol, ka Acid bad kiwei pat ki jingpyndonkam kiba lah ban pynmeh ding ha kaba kane kan buh jingma shibun ïa ki.
Ïa ka jingpynsngewthuh paidbah kaba heh la pynlong da ka tnad Indian Railways kum shi bynta ban shim ïa ki lad jingïada ban khanglad ïa ki jingjia basngewsih ki ba lah ban jia ha ki rel.
Ha kane ka sngi, la sam ïa ki kot shi sla, ki dur tah bad ki lama kiba ïadei bad ki jingpynsngewthuh paidbah khnang ba kin tip kumno ban kiar na kaba rah ïa kum kine ki jingpyndonkam ha ka por ba ki leit jingleit lyngba ki rel.
