Tinsukia, Naiwieng:
Ka la don ka jingleit khynra jong ka tnat Excise bad ka jingleit pahara ba la pynlong da ka Margherita and Digboi Excise Party hapoh ka jingkhmih jong u Deputy Superintendent of Excise Margherita u Prasanta Dutta ha ka sngi Saitjaiñ ha kiba bun ki jaka kum ha Ulup, Pengree Tinali, Ambikapur, bad kiwei pat kiba hap hapoh ka jingkhmih jong ki jaka treikam ki pulit ka Margherita bad Pengree, bad la lap ba ki la don kumba 7 tylli ki jingjia halor ka jingpynkheiñ aiñ, nalor ba la kem ïa arngut ki briew.
Ki mar ba la ïoh ban kurup ha ka por ba la pynlong ïa ka jingleit khynra ki kynthup ïa ka kyiad pyrsi kaba don 70 litre, ka DA Set-1, ka Molasses kumba 25 kilo, ka Beer (14.95 BL) na ka bynta ban die ha Assam, ka IMFL (3.96 BL), bad ka (60 BL) na ka bynta ban die tang ha Arunachal Pradesh.
