Guwahati, Naiwieng:
Ha Kokilamari, ka jaka kaba marjan bad ka Demow ha Thowra konstitewensi, ka seng Bharatiya Janata Party (BJP) ha ka thaiñ Nitai-Panidehing Mandal, ka la pynlong ïa ka Jana Xabha ha ka la sngi U Blei, ha kaba la ïadon bynta da u Myntri ka State Water Resources u Pijush Hazarika.
Ha ka jingai jingkren sha ki paidbah kiba la ïawan ha ka jingïalang, u Hazarika u la ong ba ka Thowra konstitwensi ka la ïoh da kumba T. 34 klur na ka tnat Water Resources ha ki ar snem ba la leit bad u la pynpaw ka jingsngewnguh ïa ka sorkar BJP.
Kumba u la ïathuh, la ong ba ïa u mawnongrim ban pyntreikam ïa ka skhim ban ïada na ki jingtwa khyndew la plie ha kane ka sngi.
U Pijush Hazarika u la ïakren sani bha ruh ha kaba ïadei bad kiwei pat ki Project kiba ïadei bad ka jingwanrah ïa ki kam pynroi.
U la kynthoh jur ïa u Bhupen Borah, uba dei u heh nongïalam jong ka APCC, bad jong ka seng Congress. U la kyrpad ïa ki paidbah ba ki la dei ban ai ka jingkyrshan ïa ka seng BJP. Ha kane ka jingïalang, u MLA jong ka Thowra u Sushanta Borgohain, u Topon Kumar Gogoi, u MP ka Jorhat, u Mayur Borgohain ruh ki la ïadonlang.
