Kohima, Naiwieng:
Ka jingïoh kurup drok ka la long ka jingjia kaba khah khah ha ki bynta khappud jong ka Nagaland-Manipur. Ka jingïoh kurup kaba dang shen ka la long da ki pulit jong ka Nagaland ha ka sngi U Blei ha ka khyrdop talasi kaba don ha Khuzama kaba hap hapoh ka Kohima distrik.
Ki heh pulit ki la pyntip da kaba ong ba ha ka por ba la don ka jingkhmih bniah ïa ki kali kumba ju long, ki pulit jong ka Khuzama Police Inter-State Check Gate ki la ïoh ban bat ïa kawei ka kali bad na ka jingkhmih bniah ki la lap ïa 50 tylli ki synduk sabon ha kaba la suba ba la thep da u Heroin.
U drok uba la ïoh ban kurup u dei uba la don ha ka jingkhia kaba 600 grams ïa uba la buhrieh ha ka Hyundai i20 (AS-16E-0525) kaba la wan na ka jylla bamarjan na Manipur.
Ha kaba ïadei bad kane ka jingjia, uwei u briew ïa uba la tip kyrteng kum u Mohammad Wahidur (30) u la shahkem hapoh ka jingtreikam ka kyndon 21 (c) jong ka NDPS Act.
Katkum ka jingtreikam jong ka aiñ la ong ba ka jingshah set patok kan sa long hapoh ka 10 snem hynrei kaba lah ban pynjlan shuh shuh sha ki 20 snem ha ryngkat ka jingsiew ïa ka kuna lada donkam.
