Guwahati, Naiwieng:
U Lieutenant General RP Kalita, General Officer Commanding-in-Chief, Eastern Command, u la pynpaw ka jingsngewkhia halor ka jingkyntait bad ka jingbym sngewtynnad jong ki samla ka Assam ha ka ban leit pynïasoh bad ka tnat shipai Indian Army.
U la ai mynsiem ha kaba ïadei bad kane ka bynta namar kumba la sakhi la ong ba ki la don ki jingduna ha kaba ïadei bad ki jingai ïa ki khubor pynsngewthuh paidbah bad ka jingpynsngewthuh ne ïalam bakla da ki kynhun beaiñ ne ki kynhun lehnoh ba la tip kum ka United Liberation Front of Asom-Independent (ULFA-I).
Ha ka jingai jingkren ha ka jingïalang paidbah kaba la long ha Guwahati Press Club, u Lt. General Kalita u la batai shai halor ka jingkongsan jong ki kynhun kiba dei ban shim ka jingkitkhlieh na ka bynta ka lawei jong kiba dang wan khamtam ba kin lah ban kiar na ka jingphai khmat sha ki kynhun kieng atiar.
U Kalita u la pynpaw paidbah ïa ki kam pynroi kiba la don ha Assam ïa kiba la ai jingmyntoi bad kiba la ïaid da palat shiphew snem, kynthup ka jingwanrah ïa ka shongsuk-shongsaiñ, ka jingnang pynbha ïa ki surok bad kiwei pat ki Project kiba dang ïaid shakhmat.
Kum shi bynta ban pynkynmaw ïa ka jingïaid lynti jong u ha ka kam shipai, u Lt General Kalita u la ai burom sha ki kmie ki kpa na ka bynta ka jingjop jong u bad u la ai mynsiem ïa ki samla ba kin lah ban pynurlong ïa ki jingphohsniew jong ki da kaba len lade bad da ka jingtrei shitom.
