Agartala, Naiwieng:
Ki nongïalam jong ka All India Congress Committee (AICC) kiba kynthup ïa u Rahul Gandhi bad ka Priyanka Vadra ki la don jingthmu na ka bynta ban leit jngoh ïa ka Tripura ha u bnai Nohprah.
Ka Szarita Laitphlang, kaba long ka nongkhmih bad ka nongpynïaid jong ka AICC ha Tripura, ka la pynbna ïa kane ha ka por ba ka la don ka jingïalang bad ki nongthoh khubor, ha kaba la ong ba ka jingleit jngoh jong kine ki nongïalam kan sa long khyndiat sngi hadien ka jingpynbna ïa ki nongjop ilekshon ha ki san tylli ki jylla.
Ka Laitphlang ka la ïakren sani bha ruh ha kaba ïadei bad ki rai ba la shim ha ka por ba la don ka jingïalang jong ka Mahila Congress, ha kaba la ïakren halor kiba bun ki mat ba ïadei bad ki jingdonkam na ka bynta ban pynkylla ïa ka Mahila Congress sha ka kynhun ka ban paw paidbah bad ban khring ïa kiba bun da ki rukom treikam jong ka.
Ka la batai shai ha kaba ïadei bad ki bynta ba la hap ban ïakhun tyngeh da ki kynthei ha kylleng ka ri bad ka la ban jur ruh halor ka jingong ba la dei ban pynkupbor ïa ki riewkynthei.
Ka jingleit jngoh jong u Rahul Gandhi bad ka Priyanka Vadra Gandhi sha ka jyla ka long halor ka jingthmu ban kren ïa ki mat kiba kongsan hakhmat jong ki paidbah ka jylla.
La mut bad pynlong ïa kiba bun ki prokram ha kane ka sngi jong ka jing-leit jngoh kine ki nongïalam sha ka jylla.
