Agartala, Naiwieng:
Ka Tripura United Indigenous People’s Council (TUIPC), ka kynhun kaba la mihkhmat ïa ki lehnoh kiba la leit pyndem ha Tripura, ka la dawa ba la dei ban mang da ka song tyngka kaba T. 500 klur na ka bynta ban ai jingkyrshan sha kito kiba leit phai sha ka jingim kaba bha.
Ka seng TUIPC, kaba dei ka kynhun ka bym dei ka seng saiñ pyrthei kaba kynthup ïa kiba bun ki kynhun kieng atiar kum ka Tripura National Volunteers (TNV), National Liberation Front of Tripura (NLFT), bad ka All Tripura Tiger Force (ATTF), ka la ïakynduh bad u AK Mishra, Adviser jong ka Northeast India ha ka Ministry of Home Affairs (MHA), ha ka 22 tarik, Naiwieng na ka bynta ban ïakren halor ka jingdawa jong kine kiba la leit pyndem ïalade bad kumjuh ki tiar ïaleh bad leit phai sha ka jinglong paidbah.
