Guwahati, Naiwieng:
Ki pulit jong ka Railway Protection Force (RPF) ka North East Frontier Railway (NFR) ha ka por ba ki la pynlong ïa ka jingthwet bad ka jingkhmih bniah ki la ïoh ban kem ïa 10 ngut ki nong 10 Bangladesh na ka jaka sangeh rel ha Agartala ha ryngkat arngut ki nongïarap kiba dei na India kiba la don-kti ban ïarap pynbuhai shnong ïa ki.
U heh ba dei khmih jong ka tnat Railway u la ong ba ki pulit jong ka NFR haduh mynta kim pat pynlong ïa ka jingtohkit ha kaba ïadei bad ka jingjia bad ka jingpyntreikam ka dang ïai bteng halor ka jingtur jong ki bar ri ban wan rung bad sah beaiñ hapoh ka ri.
Ha ka 21 tarik, Naiwieng, ha ka por ba la don ka jingkhmih bniah, ka kynhun ba la ïatreilang hapdeng ki pulit jong ka RPF bad GRP jong ka Agartala kiba la shah pyntreikam ha NFR ha ryngkat ki shipai ka tnat BSF, ki la ïoh ban kem ïa lai ngut ki briew kiba dei ki nong Bangladesh kiba la wan buhai shnong na ka jaka sangeh rel ha Agartala.
Ki nongïarap jong ki kiba la pynithuh ba ki dei ki nong India ki la shahkem namar ka jingïarap jong ki ïa kine ki bar ri ba kin rung hapoh ki bynta jong ka ri.
Hadien kane, ïa baroh kiba la shahkem la aiti noh sha ki OC/GRP jong ka Agartala na ka bynta ban leh ïa baroh kaba donkam.
