Guwahati, Naiwieng:
Ka ïingbishar ba hakhliehduh ka Supreme Court ha ka sngi Ba-ar ka la hukum ïa ka sorkar Manipur ba kan pyntikna ban tep noh ïa ki metïap jong 88 ngut ki briew ki bym don nongkam shuh hadien ba ki la ïap naba mih ka jingïakynad ha katei ka jylla.
Ka ïingbishar ba hakhliehduh ka la ong ba kan ym ailad ban buhsah ïa kine ki metïap ïa kiba ym don shuh ki ban leit kam ïa ki. Ka ïingbishar ka la ong shuh shuh ba lada ym don kiba leit kam ka la biang na ka bynta ki bor ba dei khmih ba kin leh burom khatduh ïa ki hadien ba la dep ban ïoh ïa ki nongmuna DNA.
