Shillong, Jymmang 06
Ha ka sien kaba nyngkong eh ka Kendra Hyper Martial Arts (KHMA) ka la pynkup burom ïa ki khynnah ïalehkai martial arts ha ka Sngi U Blei ha madan kaba ha Smit.
Ha kane ka prokram ka Kendra Hyper Martial Arts ka ai khublei ïa u kongsan ha katei ka sngi u Bah Ardent Miller Basaiamoit uba dei ruh u MLA jong ka 21 Nongkrem Constituency kumjuh ïa u symbud kongsan u Dr. Balajied Sing Syiem uba ju don ryngkat lem bad ka Seng na kawei ka por sha kawei pat.
Shuh shuh ka Seng ka khlem da lah ban pynpaw ïa ka shnong Smit, u Sordar bad Secretary ka Shnong Smit bad ki dkhot jong ka Executite Committee baroh kiba ju kloi ban ïarap ïa ka Seng na kawei ka por sha kawei pat. Ka Seng ka pynpaw ruh ka jingsngewnguh ïa ka Smit Sport Club kaba la don ryngkat lem bad ka Seng ha katei ka sngi.
Ka Seng ka pynpaw ruh ka jingsngewnguh ïa u Rangbah bad Secretary jong ka Dong Mawmluh Smit kiba lah don ryngkat lang ha katei ka sngi bad kiba lah noh synñiang ïa ka Seng. Ka Seng ka pynpaw ïa ka jingsngewnguh kaba khraw ïa u President Rangbah jong ka Muaythai Association of Meghalaya (MTAM) ba lah don ryngkat lem bad ka Seng ha katei ka sngi bad u la pynskhem ia ki nongkitkam jong ka Kendra Hyper Martial Arts.
Te kumta ïa ka kam President la pynkhamti ha u Pynnehbor Mylliemngap, Vice President sha u Bankor Kurkalang, Secretary u Jeffry John Nongdhar, Assistant Secretary u Rishot skhem Marboh, Treasurer u Blaseibok Kharbuli, Chief Partron u Bordar Nongrum, Adviser u Kambhalin Kharumnuid lem bad 8 ngut ki dkhot ka Executive Committee.
