Guwahati, Jylliew:
Ka jingshlei um ha ka jylla Assam ka dang bteng bad dang ktah jur haduh ka Sngi Ba-ar ha kaba ki la don sa kumba 7 ngut ki briew kiba la duhei ïala kajong ka jingim na ka jingngam jyllop, katba palat 4.23 lak ngut kiwei pat ki dang ïakynduh jingeh na ka jingshlei um ha kylleng ki jaka kiba don ha ki 9 tylli ki distrik, la ïathuh ka tyllong khubor. Katkum ka kyrwoh khubor ba ju ïohlum man ka sngi jong ka Assam State Disaster Management Authority (ASDMA), ki la don kumba saw ngut ki briew ha Sonai bad uwei ha Silchar ha ka thaiñ jong ka Cachar distrik ki la ïap na ka daw jong ka jingshlei um.
