Panbor B. Lyngdoh
Ki Kur Kynthei, Dustur Kynthei bad Jait Kynthei ba don burom ki sngewthuh ba ka jingmut “kawei ka Longïing -Longsem ka kynthup tang ïa u Kpa, ka Kmie bad ki Khun,”(nucleus family consisted of Father, Mother & Children only). Hynrei ha kane ka dustur jot kam long shisha kumta, namar ba ha man la ki longïing – longsem (family) Khynriam – Pnar – Bhoi- War bad Lyngngam la pait la pra noh sha ka 2 Jait, u Kpa la ka jong, ka Kmie bad ki khun la ka jong.
Sngewsih kthang khamtam kito ñiulei kiba la shah taitjait – tangjait noh ki don haduh 3 Jait hapoh kawei ka Longïing – Longsem (family), u Kpa la ka jong, ka Kmie la ka jong bad ki Khun la ka jong, sngewlehraiñ phi kum kane eh ka jinglong. Haba kumne lah hi ban sngewthuh ïa ka jingstad biej jongngi ? Em, phi pynban hangne ka pynpaw shai kdar (crystal clear) ba kam dei satia kawei ka Longïing – longsem (fake oneness family) bad kane kajuh kam ju don (never exist) satia hapoh ka imlang – sahlang Khasei – Khasoi. Kaba mut u Kpa um don dor ei – ei (valueless), namar ka Dustur Kynthei ka la pynduh – pyndam ïa kane ka jinglong kawei (present system – controlled by woman had completely destroyed family oneness).
“Mother is the Heart of the family and Father is the Head” ka Kmie ka dei ka Dpei barhem jong ka longïing – longsem bad u Kpa u dei u Khlieh.
Mar khongpong pynban u Shynrang Khasie – Khasoi u shu leit bud sha ïing i Lok, um ioh ïa ka Jait shalade, ha ïing ka Kmie um don dor kumjuh ha ïing i Lok, ki jingleh jingkam jong u baroh kiba bakla suda uba bun lok, uba buaid-tanglang, uba ïa Khalai la kut ki jait jingkynnoh – kynthoh ïa u, kumta ha kaba kut pra phum u Khiewja. Hato don jingeh aiu mo ? Ban wad ïa ki daw. Balei ba long kumne ? Don ki daw hok.
Te, ka jingñiewpoh ïa ki khun Shynrang da ka Kmie kaba la pun – kha shitom ka wanrah ïa kajuh ka kyrdan (status) hapoh ïing i Lok (companion). Ha ka jingshisha kum ka Kmie kaba pun – kha shitom ha kajuh ka por kum ka Meikha ka don ha ka kyrdan kaba shajrong duh (highest status) kum ka Meikha ka noh synñiang ïa ka longrynïeng jong ki khun kha lyngba ki khun Shynrang jong ka bad na ka liang ka longdoh – longsnam (blood relationship very close) ka ïajan bha bad ki Khunkha ki dei ruh ki nongioh pateng ba dei HOK (nearest next of kin by blood relationship), te, kumta la khot noh Meikha (ym dei satia Meiieid). Ka Meikha wat ha khmat jong ka Ain (Court of Law) ka don HOK ban kam nongkynti ïa la ki khunkha kum la ki jong.
Nga la ïohi ba don tang katto katne ngut ki Meikha kiba sngewthuh ïa la ka jong ka kyrdan te, kumta ki ri – sumar, pynheh – pynsan, bsa – btiah, pynnang – pynstad ïa la ki khun kha, kiba riewspah ñiulei ki pynbiang ka jaka – puta lane ka ïing bungalow. Kane ka jingleh bha jong ki ka wanrah ia ka jingkyrkhu na U BLEI. Ka jingtim pat na ka Dustur Kynthei, kaba mlien ban khanglad ban pynbiang ïa ki khun shynrang, duk katba duk ki khun Kynthei ki biang ki Sohshkor/khaila ksiar, u Shynrang pat patloon syrdep.
Ka Meiieid bad ki khun ksiew jong ka ki shu ïa dei tang na kajuh ka Jait, hynrei ha ka liang jong ka Longdoh – longsnam (blood relationship) kam don bynta ei – ei ruh em (no link at all) bad ki. Balei ? Namar ki khunksiew jong ka la kha na ki symbai Kpa (seed of human sperm) bapher bapher kylleng jong ka Pyrthei. Te, kumta kane kajuh ka la pynïajngai noh iwei na iwei pat. ïa kane lah ban pynshisha da ki bor sciences ïa kaba ngi ju tip kum ka DNA, kumjuh ruh lada jia ba ka Kmie ka len ïa u Kpa. Te, kumta ka Meiieid bapli kam banse ban shu kylla long noh tang kum ka Dusbin (jaka theh Niut), namarkata, ngi sa ioh ïa ki Saheb Lyngdoh, African Lyngdoh, China Lyngdoh, Dkhar kylleng ka Ri India Lyngdoh bad para – Riewlum Lyngdoh, ngim ïapher na kito ki syntiew plastic ba bun rong phuh – phieng itynnad bha. Hynrei bym don jingsma iwbih ei – ei ruh em.
Sngewbha buh jingkynmaw ba shipara trai dei na ujuh u Kpa bad ka Kmie, haba la ïapher u Kpa ym dei shuh shipara trai, wat lada dei na kajuh ka Jait Kmie. Kumta la tip noh kum shipara Arkpa. Lada ïapher ka Kmie, u juh u Kpa dei hi shipara trai (by blood relationship) lyngba ka longdoh – longsnam. Ngim dei ban pynsngewthuh bakla ïa kiwei, ka dei ka Pop ha khmat jong U BLEI. Tangba na ka bynta jong ngi, ym don pop namar ngi shu sngewnguh arsap ïa U, ngim ju kohnguh ïa ka hukum jong U.
