Bertina Lyngdoh
Dei ma phi ko jingphohsniew,
Ba i’u briew phi wan kyrsiew;
La ka dei kaba bha ne ba sniew:
La ka dei ïa ngi ban pdiang ne ban bynthiew.
Phi dei maphi ko jingphohsniew,
Ba pynkyndit naba thiah i’u briew;
Ba pynpyrkhat kaei kaba kumto:
Ban pynleit jingmut lane ban shu klet noh kumto.
Dei haphi keiñ ko jingphohsniew,
Ba bunsien pyrkhat te u briew;
Ba phi dei kaba shisha:
Ne kata kaba kynsha.
Kumta, u briew u ju phohsniew ynda na jingtrei u thiah jahthait. Don kiba ngeit ïa ka don pat ruh ki bymngeit. Na ka jingphohsniew bun ki dak ki shin ba briew u lah ban tip bad sngewthuh kata lehse khamtam ïa kaba lashai. Kaba shisha ruh, ba na ka jingphohsniew ki briew ki lah ruh ban trei ban bam khlem da pynlut la ka umsyep. Ki ju ong ba ka jingphohsniew kaba kup ne kaba jia shisha, kam ju long kaba bha. ïa kane yn kham sngewthuh bha da kito kiba la mad shisha ïa ka. Balei u briew u phohsniew? U phohsniew namar lehse u pyrkhat bad khuslai palat bad dei na kane ka daw, u ju phohsniew kulmar. Don ruh kiba ong ba ka phohsniew mynsngi mynïa, kam ju dei ba shisha. Bun ki jingphohsniew ki bym kup pynban ki long khongpong. Ym lah len ba don ki jingphohsniew kiba kup bad ïa kane ka ka shong na u briew na u briew sha u briew. Nalor ba ka kup bad khongpong, ka jingphohsniew ka ju long ruh kaba kyllaiñ bha. Don lei ki bym ju kynmaw shuh ba aïu ki phohsniew hynne mynmiet. Don kiba khlaiñ bha ka jingphohsniew, don kiba shu biang, don ruh kiba duna.
Te namarkata, ka jingphohsniew kam lah ban long shispah parsen hynrei khyndiat khyndiat na ka. Kumta, lah ban shu ong noh, ïa kiba ka jingphohsniew jong ki ka kup, kala bha ban bynthiew noh ban lait na kano kano ka jingsngewsih. Ban lait na ka phohsniew kynsha, dei ban long kiba khuid ha ka pyrkhat. Ban lait na kane ruh, kabha ïangi ban aiti sh’u Blei ïa ka sngi baroh shisngi.Kumta,ban kiar na ka phohsniew kynsha, sdang bad pynkut ïa ka sngi jong ngi da ki jingainguh sh’u Blei.
