Panbor B. Lyngdoh
Jongnga ka Dustur Kynthei, Jait Kynthei bad Kur Kynthei kam pat sngewthuh shai kdar (crystal clear) ïa ka jingmut MEIKHA (paternal grandmother). Mano ba pyndonkam ïa ka kyntien MEIKHA ? Dei tang ki khun jong u / ki khun Shynrang jong ka KMIE, kiba lah ban khot MEIKHA, namar ïa ki la pun la kha na u Symbai jong u/ki khun Shynrang ba la noh synñiang (contributed) na ka bynta ka longdoh – longsnam (blood relationship) ka MEIKHA bad ka don ka jingïajan (very close) bad la ki khunkha bad kum ka Meikha ka don ka hok (have every right) ban kam nongkynti (to claim) ïa ki. Kum ka Meikha kam ju pynjah burom lane pynpohjaitdor ïa ka Jait la jong. Sngewsih kiba bun na ki Meikha Khasei – Khasoi kim da patiaw than eh lane ñiewkor ïa la ki khunkha, namar ki kham kheiñ kor ïa ki Khunksiew ba shu ïadei tang na kajuh ka Jait Kmie/Kynthei, katba ha ka liang ka longdoh – longsnam (blood relationship) ym don bynta ei – ei ruh em, namar ki khunksiew dei kiba la mih na ki Symbai Kpa jong kylleng ka Pyrthei nanglum sngewbha ki MEI – IEID. Katba ki Khunkha pat de ki mih lyngba ki Symbai Kpa ba napoh Shnong jong ka MEIKHA bad don ki MEIKHA kiba ieid khunkha ki ri sumar, bsa – btiah, pynnang – pynstad bad kito kiba riewspah ñiulei ki pynbiang Jaka – puta lane ka ïing bad don kiba shim shalade ïa ka Jait. Kylleng ka Pyrthei ka kyrdan ba nyngkong eh dei ka MEIKHA (paternal grandmother) ka nongai ïa u Symbai bad kaba – ar dei ka Mei – ieid (maternal grandmo-ther) ba shu lum ïa ki Symbai ba shu iohei na kylleng jong ka Pyrthei, khamtam eh hapoh ka imlang – sahlang Khynriam – Pnar – Bhoi – War bad Lyngngam lyngkar – lyngkrang bad ba la pawnam bha ha kane ka liang lum Symbai.
Ha kaba ïa dei Shiparakha, ym ju don ba ïa wad iwei ïa iwei pat, namar ngi sngewthuh bakla ba ym da donkam than eh, ka la biang ba ngi ïajan tang bad la ki Para – arkmie. Kane kajuh ka pynïa jngai noh, namar shiparakha ngi dang dei na kajuh ka thymmei bad ka iajan bha ha ka liang ka longdoh – longsnam (same source and very close blood relationship). Te, ha ka jaka ban ïa wad ïa ka jingïajan hapdeng Shiparakha, ngi ïa jngai pynban bad kham smat ban tur sha ki Para – arkmie bym ïa don bynta (no part of it) ei – ei ha ka liang ka longdoh – longsnam (blood relationship), namar ngim ïa dei shuh na kajuh ka thymmei (not from the very same source). Balei ? Ka daw dei ba la ïapher ki Kpa, te, kumta ngi la ïa jngai noh ha ka liang ka jingïadei Shipara – ar Kmie. Shu ïa dei tang na kajuh ka Jait Kmie/Kynthei
Ki khun jong ka khun Kynthei jong ka Kmie kim lah satia ban khot Meikha, namar ki la mih na ki Symbai Kpa ba na shabar. Namarkata, ki khot Meiieid (maternal grandmother) ba ki shu ïa dei tang na kajuh ka Jait Kmie/Kynthei, ha ka jingshisha kim don bynta ei – ei ruh em ha ka liang ka longdoh – longsnam (blood relationship). Te, mynta kumne hi ka long kaei kaei kaba sngewlehraiñ ba ka Mei – ieid Khasei – Khasoi ka don ïa ki khunksiew sahib, China, African, Dkhar kylleng ka Ri India bad para – Riewlum, ka Jait Kmie lane Mei – ieid, te, kajuh, katba ki Dur ki Dar jong ki khunksiew ha la ka jong ka jong, ym ïadei shuh bad ka Jait Kmie lane Mei – ieid. Namarkata, la hiardor jah burom pohjaitdor ka Jait Kmie lane Mei – ieid.
Te, ban shu kynnoh matlah biej ba ka jingpyndonkam jait Kpa ka la pynklumar khihwin ïa ka Jaitbynriew, ka dei tang ka kyntien lamler suda. Namar na ka Jait jong u pure – Kpa bad Paieid Khasei – Khasoi, ym ju mih khun Saheb, China, African, Dkhar kylleng jong ka Ri India bad para – Riewlum, mih ryntih beit tang ka Jait jong u pure – Kpa – Paieid Khasei – Khasoi. Namarkata ka Jaitbynriew barit paid kat ithngiat (micropic minority) kan ïai neh ïai sah ha ka Jait jong u, pateng la pateng (ge-neration after generation).
Ym dei kumba long mynta ka pateng Jait Kmie/kynthei la kharoi sha ka 6% lac tam ba na ki Kpa bym dei Khasi, man la u snem ki wan kit shi wan kit ïa ki Sikpa ba na shabar, te, shu mut dur keiñ ha ki snem ban dang wan kan jia aiu ïa ngi ? Manga ïalade te, ban sa leit noh namar ka lynti ïaid jong ka jingim ka la nang lyngkot, aah, sangsot ïa ki ban dang wan hadien jong nga. Tip kin dang dei shuh mo ki Khasi ne Khasi khlieh Jaktung (medley) lane Anglo – Khasi. Haba shu peit pat ïa ka jinglong – jingman jong ka Jaidbynriew ym idon jingkhuslai ei – ei ruh em. Aiu ba kan jia ha-dien habud. Na ka liang jong nga shu peit sngewisynei, tangba ngam lah ban lehei, namar nga dei tang u Phlang – kynbat ha khmat ka Kur Kynthei, Jait Kynthei bad Dustur Kynthei. Baroh shi katta ki snem ba la leit noh la shu ïaroh kyllan Khleiñ arsap ïa nga u Rengmattah (bym pat mih Rengshyieng haduh mynta ban ïa kyntur pyrshah ïa ki Nongthombor, pyniap dusmon ïa ngi, da ki Paduh khrawjait Bangladeshi, Nepali, Karbi bad Assamese). Ngi dang ïai khlaiñ ban shu kyrbeh, ha ki kam ngim pat ler namar ki kam ki kren khamjam ban ïa ka ktien (action speak louder than word).
