Dibrugarh, Naiwieng:
Ka Assam Badhir Sangram Parishad (ABSP) ka la ong ba ka Sorkar Jylla ka la plie ïa ki skul bad ki jaka sumar ha ki jaka rep sla sha hynrei kam leh eiei na ka bynta ki Divyangjan ne ki briew kiba don jingduna ha ki dkhot met.
Ka ABSP kan pynlong ïa ka prokram jingïakhih ha Guwahati ha ka 3 tarik, Nohprah pyrshah ïa ka jingdawa jong ki kaba khlem urlong. “Ngi don 35 tylli ki mat jingdawa na ka bynta ki Divyangjan hynrei ka sorkar jylla kam pynurlong ïa ki jingdawa jong ngi kiba la sahteng la slem bha. Ngi la pynlong ïa ka prokram ïakhih ha baroh kawei ka jylla Assam da kaba deng da ki Badge rong ïong ha ka 16 tarik, Naiwienghynrei ka sorkar kam shym la buh hakhmat eh ïa ki mat jingdawa jong ngi,” ong u Gautam Bhutan, uba long u General Secretary jong ka ABSP.
U la ong, “Ka sorkar jylla ka la pynpeit mat ïa ka jingdawa ba shisha jong ngi. Ha ki kam sorkar ki post ki kham duna ïa ki Divyangjan. Ngi dawa ban plie shuh shuh ïa ki Post na ka bynta ki Divyangjan,”.
“Lada ym buh hakhmat eh ïa ki Divyangjan te kumno ka jingpyrta jong ka sorkar ‘Sabka Saath Sabka Vikas’ kan long kaba jop. Ngi pyrshang ban khring ïa ka jingmut jingpyrkhat jong ka sorkar da kaba pynlong ïa ka prokram jingïakhih ha ka 3 tarik, Nohprah, pyrshah ïa ka 35 tylli ki mat jingdawa jong ngi”, la ong u Bhuyan.
