Shahkem 2 ngut ki kynthei na Bihar ba rah ïa u jingdih pynbuaid

"Na ka jingtohkit ba ha shwa la ong ba kine ar ngut ki la kit ïa u jingdih pynbuaid sha Bihar.

Agartala, Nohprah:

Ki pulit jong ka Tripura ki la kem ïa ar ngut ki kynthei na Bihar halor ka jingkynnoh ba ki la rah ïa u jingdih pynbuaid u Cannabis ha ka jaka sangeh rel jong ka Jogendra Nagar ha Agartala. La kynnoh ba ïa kitei ar ngut la lap ba ki kit ïa u jingdih pynbuaid uba khia 8.4 kilo bad antad ba u shongdor T.1 lak.

Ïa kane ka jingkhynra la leh da ki pulit ka jaka treikam ka East Agartala hadien ba la ïoh jingtip halor ka jingpyrshang ban shalan tuh ïa u jingdih pynbuaid shabar ka jylla.U Ophisar In-Charge jong ka jaka treikam jong ki pulit ka East Agartala u Rana Chatterjee u la ïathuh ba mar ïa ïoh jingtip mar mar ka kynhun ka la leit sha ka jaka sangeh rel bad la kem ïa kine ki arngut. 

“Na ka jingtohkit ba ha shwa la ong ba kine ar ngut ki la kit ïa u jingdih pynbuaid sha Bihar. Ngi la ithuh katto katne ngut ki briew kiba donkti, kynthup ïa ki nongïarap na ka thaiñ, kiba don mynta hapoh ka jingpeitngor jong ngi,” u la bynrap. Hadien la ïalam ïa kitei ki ar ngut hakhmat ka ïingbishar, ha kaba ki pulit ki la dawa ban set ïa ki na ka bynta ban tohkit bniah ban lap ïa katei ka kynhun runar.