Guwahati, Nohprah:
U Myntri Rangbah ka Assam u Himanta Biswa Sarma bad u Myntri Rangbahduh ka Bhutan u Dasho Tshering Tobgay ki la ïashim bynta ha ka jingïalang ban pyrkhat halor ki kam khaïi pateng ha Thimphu, Bhutan, kum ka jingsdang jong ka jingïaid lynti na ka bynta ka Advantage Assam 2.0: Investment and Infrastructure Summit 2025.
Haba kren ha ka jingïalang kaba la pynlong ha La Meridian Hotel, u Sarma u la ban jur halor ka jingkiew jong ka Assam ha ki jingtei bad ka jinglah ban khaïi pateng, kaba buh ïa ka jylla kum ka nongpyrshang ba kongsan ha ka India’s Act East Policy.
Kane ka jingïalang kaba la buh ban long ha ka 25-26 tarik, Rymphang ha Guwahati, kan khring ïa ki nongbei tyngka bad ban kyntiew ïa ka jingïatreilang ha kylleng ka Shathie Asia, ha kaba la khmih lynti ba u Myntri Rangbahduh ka ri India, u Narendra Modi un plie ïa kane ka jingïalang. U Sarma u la pynpaw ïa ka jingkhot sha u Myntri Rangbahduh jong ka Bhutan ban ïashim bynta ha kane ka jingïalang bad ka jingïalang bah jong ka, da kaba pynpaw ïa ka lad ban pynskhem shuh shuh ïa ki jingïadei hapdeng ki thaiñ.
