Cairo, Nohprah:
Katkum ki khubor, la ong ba hadien palat shisnem jong ka thma kaba la shim ïa ka jingim jong phew hajar ngut ki paid ha Gaza, ka jingïateh kular ban sangeh thma bad ban pyllait ïa ki nongshah rahbor hapdeng ka Israel bad ka Hamas ka i kumba ka la kham jan ban ïa kaba mynshuwa. Da ka jingïakren ha Cairo kaba dang ïaid shakhmat la lah ban ïasoi ïa ka jingïateh kular ban pynsangeh ïa ka thma kaba la neh 14 bnai ha ka jaka ba la buh da ka Palestine bad ban pyllait ïa ki nongshah rahbor ha kine ki sngi ban wan.
La bun bnai, ka Qatar bad ka Egypt ha ryngkat ka America ki la pyrshang ban pynïasuk hapdeng ka Israel bad ka Hamas ha ka jingwad ïa ka jingïasuk ha Gaza bad ban pyllait ïa ki nongshah rahbor. Katba u President ka US- u Joe Biden u dang pynkhreh ban mih noh na ka shlem treikam jong u President ka Sorkar America, ka la pynjur ïa ka ban tehlakam noh ïa ki jingïakynad ha kylleng ka pyrthei bad ban ïaleh wanrah noh ruh ïa ka shongsuk-shongsaiñ da kaba pyrshang ruh katba lah ban khot ïa kitei ki ri kiba don hapdeng ka jingïakynad ba kin wad sha ka miej jingïakren ïasuk na ka bynta ka bha ka miat lang jong ka pyrthei baroh kawei.
