Shillong, K’lyngkot 13
Ka Archery Association of Meghalaya (AAM) ka la phah ïa saw ngut ki nongïalehkai siatkhnam ka Jylla sha ka prokram jied nongïalehkai jong kiba la san (senior archery) na ka bynta ka World Cup Stage 1 & 2 kaba la sdang naduh 10 tarik mynta u bnai ha SAI, NCOE Kolkata bad ka ban kut haduh 15 tarik.
Kine ki long ka Damandashisha Pasi, Devraj Mahapatra, Hypormi Wanñiang bad u Amebalaker Wanñiang. Kine ki nongsiat-khnam kin shim bynta ha ka Recurve.
Katei ka synjuk ka la phah ruh ïa saw ngut kiwei pat sha ka prokram jied nongïalehkai khynnah (junior) na ka bynta ka Asia Cup Stage 1 ka ban long SAI, NCOE Kolkata naduh 14 haduh 17 tarik mynta u bnai.
Kine ki kynthup ïa u Amebalaker Wanñiang (recurve), Hypormi Wanñiang (recurve), Vivik Sunar (recurve) bad u Diberles K. Sohphoh (compound).
