Patna, Kyllalyngkot:
Uwei u nongshong shnong jong ka Bihar, u la buh da ka jingujor mukotduma ha ka ïingbishar jong katei ka jaka, da kaba kynnoh ba u Rahul Gandhi, nongïalam jong ka seng Congress, u la pynlong ïa u, ba un pynhap ïa shi khiew ka dud, kaba la pynlong ïa u ban duhnong haduh T.250 tyngka.
Kane ka jingjia ba phylla ka la jia ha ka Samastipur distrik, ha kaba u nongmudui u Mukesh Chaudhary u la pynshisha ba u la kyndit mar ïa ïohsngew ïa ka jingkynthoh jong u Gandhi “ka jingïakhun pyrshah ïa ka jylla India” mynshem taïew.
“Nga la don ha ka jinglong kaba sngewsih haduh katta katta ba u khiew dud jong nga uba dap san litar ka dud, kaba la buh dor T.50 shi litar, ka la hap na ka kti jong nga.”
U Rahul Gandhi u la buh jingma ïa ka jingsynshar paidbah,” la kynnoh u Chaudhary.
Utei u nongshong shnong jong ka shnong Sonupur, u la pyni ruh sha ki lad pathai khubor, ïa ka kopi jong ka dorkhas jong u, kaba la mudui ha ka Civil Court jong ka Rosera sub-division, kaba pan jingbishar ïa U Gandhi, ha ki kyndon bapher bapher jong ka BNS, ba kynthup ïa ka 152 kaba ïadei bad ka jingjia. Ym shym la tip la ka mukotduma ka la shah pdiang ne em ha ka ïingbishar.
