New Delhi, K’lyngkot:
U Mohammed Wajid, u dei u samla pule na India ba dang 28 snem ka rta na ka jylla Hyderabad, uba la khlad noh ha ka jingjia tyngkhuh kali hapoh Plymouth County jong ka nongbah Massachusetts ha US, kaba la jia ha ka 28 tarik u Kyllalyngkot.
U Wajid u long u nongshong shnong na ka thaiñ Khairatabad jong ka jylla Hyderabad hapoh India bad u long ruh u dkhot jong ka tnat NRI Minority Congress Committee hapoh USA bad u la lah ban pyndep ia ka Master Degree na ka nongbah Chicago.
Katei ka jingjia ka la jia ha ka por ba u Wajid u dang ñiah ia ka kali la jong ha kaba um shym lah shuh ban tehlakam ban sangeh ia ka kali wat haba u iohi ia ka dak ‘Stop’ jong ka tnat ‘Traffic’ bad dei ha katei ka por ba u la leit rat beit-beit ia kawei ka trok kaba wan na khmat mar pyrshah bad u.
