
Imphal, Rymphang:
Ka kynhun ba ïatreilang jong ki shipai ka sorkar kmie bad ki shipai jylla ki la thang ïa lai tylli ki ïing trep kiba dei jong ki briew kiba la kynnoh ba ki dei ki nongrep poppy ha Kangpokpi, Manipur.
Ka kynhun hadien ba ka la beh noh ïa ki nong-rep syntiew Poppy kiba don tiar ki la pynjot ïa kumba 45 akar ki jaka rep syntiew beaiñ ha ka shnong Lhungjang ha ka Elaka Kangpokpi ha ka Sngi Thohdieng, la ïathuh ki heh sorkar.
Ka jingpyntreikam kaba kham ha shwa jong ka kynhun ïatreilang ban pynduh pyndam ïa kijuh ki kper syntiew poppy ka la paw ba kam long kaba khlem jingmyntoi namar ka jingkynnoh ba la pyrsah da ka kynhun runar kaba don tiar.
Ka kynhun kaba don kumba 80 ngut eiei kaba la kynnoh ba la kyrshan da ki briew kiba don tiar ka la ïaleh pyrshah ïa ka kynhun pahara.
Ha ka por ba don ka jingïakynad kaba jur, ki heh sorkar ki la ïathuh ba saw tylli ki kali pahara ki la shah pynjulor.
Hynrei da ka jingpynbor shuh shuh, ki briew kiba don tiar ïaleh bad ki paidbah nongshong shnong ki la phet krad noh na katei ka jaka.
Hadien kata, la pynpra noh ïa ki ïingtrep bad ki kper rep poppy beaiñ haduh ban da shah pynpra katkum ka mon jong ki bor pahara.
Ki heh sorkar ki la bynrap ba ki pulit ki la buh jingmudui ha kaba ïadei bad ka jingjia bad la sdang ïa ka jingtohkit ban lap ïa u trai jong ka jaka bad ka jingrep be-aiñ jong u ïa u syntiew poppy.