Em, ka jingpynbaptis ka long tang ka jingngeit bad jing-leh niam jong ki balang ka pyrthei kam lah ban pyllait na ka pop. Ka jingpynbaptis ka long tang ka jingpynsngewthuh ha u briew ba un lait na ka pop. Hynrei ym don uba lait na ka pop.
Namar ka Baibl ka ong ym don uba hok em, ym don uwei ruh (Rom 3 : 10). Namar baroh ki la leh pop bad ki la duh lehnohei ïa ka burom ka jong u Blei (Rom 3 : 23). Ka jingpynbaptis ka long tang ka jingpynkmen ïa kiba ngeit ban lait na ka pop. Ka don ka jingpynkmen ïa kiba ngeit ban lait na ka pop. Ka don ka jinghikai niam ba u briew u lah ban pdiang ïa U Jisu tang ban shu ngeit ha u kum u nongpynim. Hynrei wat la phi la pdiang ïa u Jisu Khrist ym don ba lait na ka pop. Namar ka bai-nong ka pop ka long ka jingiap (Rom 6 : 23).
Hato don na ki briew ki bym ju iap shuh haba ki la pynbaptis ? Em, ym don kiba lait na ka pop ne ka jing-iap. Ka Baibl ka ong, To men ngeit ha u Jisu uba U Trai bad yn pynim ïa me bad ïa ka ïing jong me (Kam 16 : 31). Bun ki la leit long niam bad ngeit ha u Jisu uba u Trai hynrei ym don kiba ioh jingpynim. Ngi long niam ban ioh jingpynim hynrei ym don kiba ioh im palat ïa ka shispah snem ngi la iap noh. Te kata ka jingpynbaptis kan leh aiu haba kam lah ban pyllait na ki pop bad ka jingiap. Kumta ka jingpynbaptis ka long ka jinghikai jong ka Baibl ne ka ktien U Blei hynrei kam don jingïadei eiei bad ka jingim jongngi ki briew hangne ha sla pyrthei.Ngi long khristan ne ngim long khristan ngin ym lait na ka pop bad ka jingiap.
C. B. Iawphniaw
