Imphal, Lber:
Ki bor pahara ha Manipur ki la pynduh pyndam ïa ki jaka rep poppy beaiñ kiba heh haduh 30 akar ha ka shnong Puleijang, Kangpokpi distrik, ha ka 28 tarik, Rymphang. Kane ka jingleh ka long shi bynta ban tehlakam ïa ka jingkhaïi drok beaiñ ha kane ka thaiñ.
Katei ka jingkhynra, kaba la pynshong nongrim ha ki jingtip ba kyrpang, ka la thmu ïa ki jingthung popppy ha Puleijang, kaba hap hapoh ka jingpeit jong ka Saikul Police Station.
Shwa ïa kane, ha ka 27 tarik, Rymphang, la pynduh jait ïa ki jingthung popppy beaiñ kiba heh 50 akar ha ka shnong Somphung, kaba don ruh ha Kangpokpi, kaba don hajan ki rud wah jong ka Ethoi.
Baroh ar tylli ki jingkhynra la pynlong da ka kynhun ba ïatreilang jong ki pulit ka Kangpokpi distrik, ki CRPF, ka Forest Division Kangpokpi, bad u SDC Saikul Block, kaba pynpaw ïa ka jingangnud jong ki bor pynïaid ban pynthut ïa ka jingrep drok beaiñ bad ban ïada ïa ki nongshong shnong.
