Shillong, Lber 26
Ki dkhot ka Organising Committee ha ka Sngi Balang ki la shong jingïalang ha ka ïingsah jong ka Myntri Rangbah ka Jylla u Conrad K. Sangma na ka bynta ka jingpynkhreh ïa ka 39th National Games 2027 ka ban long ha ka jylla Meghalaya.
Nalor u Myntri Rangbah, la ïadon lang ki nongïalam ka Meghalaya State Olympic Associa-tion kata u Working President Bah John F. Kharshiing bad u General Secretary Bah Fine Lad Pariat, ki heh ophisar ka tnat ïalehkai bad kiwei kiwei.
Ïa kane ka jingïalang la pynïaid da u Conrad kaba la neh kumba shi kynta shiteng. Kane ka jingïalang khmih bniah yn shong biang ha ka taïew ba nyngkong u Ïaïong mynta u snem.
