Islamabad, Risaw:
Ha kane ka khubor, la ong ba katei ka liengsuiñ shipai jong ka Pakistan, ka la leit hap bakla ha ka thaiñ Southwest jong katei ka ri ha ka Sngi Nyngkong, ha kaba, baroh 2 ngut ki pilot kiba pynher ïa katei ka liengsuiñ ki la duh noh syndon ïa la ka jingim ha katei ka jingjia.
Kumta la ong ba na ka liang jong ka tnat shipai ka Pakistan, ki la pyrshang ban pynshong nongrim ïa ka jinghap jong ka liengsuin PAC MFI-17 Mushshak hajan ka nongbah Nawan Killi ha ka Jylla Balochistan, ba ka dei ka jingthut ha ka jingthut jingstad. Kam shym la ai jingtip shuh.
U President Asif Ali Zardari bad u Myntri Rangbahduh katei ka ri- u Shehbaz Sharif ki la ai ka jingsngewlem sha kiba haïing hasem jong ki pilot.
Hynrei la ong ba ki jinghap bakla ki liengsuiñ ha ka por ba dang ai jinghikai, ki long kiba ju jia khah- khah ha Pakistan. Bad ki bor pyniaid ruh kim ju pynmih ïa ki jingtip ba bniah shaphang ki daw bad ki kaiphod tohkit jong ka jinghap ki liengsuiñ kim ju pynpaw paidbah. Ha u bnai Jymmang, ka liengsuiñ jong ki shipai suiñ, ka la hap ha ka por ba ki dang pynlong ïa ki jinghikai ba man ka sngi ha ka thaiñ Shatei Lam Mihngi jong ka Pakistan, ha kaba baroh arngut ki nongñiah jong ka liengsuiñ, ki la duh ei noh syndon ïa la ka jingim.
